Një nga manifestimet më të rëndësishme në Kosovë, e që ka qëllim promovimin e rrushit dhe verës, festivali “Hardh Fest”  ka bërë bashkë presidentin e Kosovës Hashim Thaçin e kryeministrin në largim Ramush Haradinaj.

Në hapjen e këtij festivali po merr pjesë edhe presidenti i Shqipërisë Ilir Meta, raporton arbresh.info.

“Konaku” i Rahovecit pritet të ketë plot vizitorë të cilët do të mund të mësojnë më shumë për vreshtarinë, si dhe të shijojnë muzikë nga performues të ndryshëm botëror, përcjellë me lojëra e aktivitete të shumta, që tashmë janë tradicionale në festivalin e vjeljes së rrushit.

Hardh Fest, organizim që mbahet nën patronatin e kryetarit të Komunës së Rahovecit, synon promovimin e rajoneve vreshtare të Kosovës. Drejtori artistik në Hardh Fest, Gardalin Shtavica, tha se qëllimi mbetet promovimi i turizmit në Rahovec./arbresh.info/